- Lyrics
- Album list
張四十三
-
露露的Mambo
Lu-Lu's Trouble
Lyricist：張四十三Tiunn Sì-tsap-sann
Composer：張四十三Tiunn Sì-tsap-sann
以為阮食甲這款的年歲
í-uî gún tsia̍h kah tsit khuán ê nî-huè
日子原本只是平凡咧過
ji̍t-tsí guân-pún tsí-sī pîng-huân leh kuè
為何你昨暝講的彼句話
uī-hô lí tsa-mê kóng ê hit kù uē
害阮反過來反過去
hāi gún píng kuè-lâi píng kuè-khì
想規暝
siūnn kui-mê
彼一暗雄雄講你愛我
hit tsi̍t-àm hiông-hiông kóng lí ài guá
害阮心肝咇咇掣
hāi gún sim-kuann phi̍h-phi̍h-tshuah
是毋是阮的耳空有問題
sī-m̄-sī gún ê hīnn-khang ū būn-tê
抑是你老番顛咧烏白說
ia̍h-sī lí lāu-huan-tian leh oo-pe̍h sueh
一透早起來
tsi̍t thàu-tsá khí-lâi
緊來掀衫褲
kín lâi hian sann-khòo
因為老的做夢
in-uī lāu--ê tsuè-bāng
定仔喝五號
tiān-á huah gōo-hō
敢講伊外頭
kám-kóng i guā-thâu
Find more lyrics at ※ Mojim.com
已經有查某
í-king ū tsa-bóo
害阮反過來反過去
hāi gún píng kuè-lâi píng kuè-khì
愈想愈艱苦
jú siūnn jú kan-khóo
一領一領掀起來鼻
tsi̍t-niá tsi̍t-niá hian khí-lâi phīnn
為何哪會攏是雪文的味
uī-hô ná ē lóng-sī sap-bûn ê bī
是毋是阮的鼻空有問題
sī-m̄-sī gún ê phīnn-khang ū būn-tê
抑是伊半暝仔偷偷起來洗
ia̍h-sī i puànn-mî-á thau-thau khí-lâi sé
一透早起來
tsi̍t thàu-tsá khí-lâi
欲來去投票
beh lâi-khì tâu-phiò
老的倒咧眠床
lāu--ê tò teh bîn-tshn̂g
咧挲伊的腰
teh so i ê io
為著叫阮去投票
uī-tio̍h kiò gún khì tâu-phiò
昨暝是繽迸叫
tsa-mî sī pì-piàng kiò
害阮搖過來搖過去
hāi gún iô kuè-lâi iô kuè-khì
親像咧跳曼波
tshin-tshiūnn teh thiàu bàn-booh
- Special thanks to W.B. Chen for sharing the lyric.
- Related Links： W.B. Chen
|
